استضافت الإعلامية رضوى الشربيني في إحدى حلقات برنامجها “هي وبس”، الذي يعرض على قناة “سي بي سي سفرة” الشاعر المصري فارس قطرية، الذي ألقى عدد من قصائده المشهورة بصوته، وضمنها قصيدة “لو عاد معتذراً”.
إليكم قصيدة “لو عاد معتذراً” للشاعر فارس قطرية مكتوبة:
قصيدة لو عاد معتذراً
لو عاد معتذرا..
بيقول انا غلطان
وسامحني من فضلك
وأديك عنيا ضمان
خلينا نرجع سوا ونبقى تمام ونعيش
من بعد ما سبتك قلبي الحزين حيران
وحياة كتاب الله
لو كان مفيش إلاه
ما هقدي ثانية معاه
ولا يبقى فيه غفران
خليك بقى معاهم
مش عوضوك عني
أنا هو خلاص ماشي
وارتحت من ذني
لا هكلمك ياما
ولا هبقى تُقل عليك
ويارب تبقى تمام مبسوط ومتهني
أنا مستهلش أتساب
ولا أكون ضحية حد
لو فاكر إن أنا باب
فالباب خلاص إتسد
لو سبتني بكيفك
يبقى اللي جاي كيفي
في العادي أنا حنين
بس قاسي وقت الجد
خلص الرصيد يا بعيد ومعدش في كفي
استحملك وأرضيك وأمدلك كفي
يا أخي ده أنت اكتر حد أنا كنت باقي عليه
وانت الوحيد في الناس حبيت تسيب صفي
خلي الحساب يجمع ويزيد عليك قسوتي
وهيجي وقت أكيد هنرجعه ونصفي
ولحد هذا الوقت
أشبع بناس شبهك في الشكل والعله
قضي اللي جي كله مع لمة الشلة
أضحك عليا كمان
وأحكلهم أني جبان
وأكذب وزيد كذبك
ردي عليك قلة
أنا مستهلش أتساب على كيفك الطايش
الحب يا أبن الناس مش حرب ولا ذلة
والحزن على الفايت
نقصان في عقل ودين
الناس بتنسى الناس وبيفضلوا عايشين
وأن كان على النحنحة والأشتياق والحب
هنحب من تاني ونقدي أحلى سنين
العشرة مش بتهون غير على اللي مترباش
وبناقص العلاقات مع حد ميصونهاش
بتقولي أنا هبعد
وأن انت مش مرتاح
شوفلك مقاس أوسع يريحك وخلاص
أنا كنت فكرك تقيل
وضربتك توجع
الضربة جت منك خايبة وعيارك طاش
الله يسامح بقى قلبي اللي خلاني
أعشق مرار الشقى واروحله من تاني
ندرياً عليا يا ليل ما هحب عمياني
وكفاية قلة أدب
وكلام ملوش معنى
أهو ربنا اللي أختار يبعدني عن عقدك
زي ما كان مختار بإرادته يجمعنا
أنا قولتله أني شاريك
بطّل تكون بياع
أم رد قال أمشي
وبلاش صداع وبتاع
في نوع من الأشخاص لو تكرمه يهينك
كيفه أنه يتعامل بمعاملة الأتباع
وعجبي..
