استضافت الإعلامية رضوى الشربيني الشاعر المصري فارس قطرية، خلال إحدى حلقات برنامجها “هي وبس” الذي يعرض على قناة “سي بي سي سفرة”، والذي ألقى عدة قصائد بصوته، وضمنها قصيدة “بكره هتحلو”.
وإليكم قصيدة “بكره هتحلو” للشاعر فارس قطرية مكتوبة:
قصيدة بكره هتحلو
هيجيلي اللي يقدر قلبي
وده ثقة في الله
مش في الأشخاص
علشان أنا لما بحب بصون
وبكون موجود مش صوت وخلاص
بتعامل بالي يريحني
وبيرضي ضميري ومش فارق
إذا كنت بعمال ناس حلوين
أو خلق رخاص
ربنا رحمن
وانا مش زعلان على حلو أديته متمرشي
رغم أني خسرت كتير يعني بس برضوا الخير ميخسرشي
هنقابل يوم خلق شبهنا
وهنلقى نصبنا بيندهنا
وهنفرح ونشوف الدنيا مرة من النفس
متكسرشي
على قد ما كنت بقدر ناس
على قد ما كانوا بيرموني
وبفكر فيهم بالأيام
وتدور أيام وبينسوني
الواحد كان يزرع وردة
في قلوب متحبش زرع الورد
في قلوب من برد الموت ترضي لا هيرضوا ولا هيحبوني
بس الأنجاز اللي في عمري .. واحد
إن انا عمري مكسرتش حد
مكسرتش خاطر ولا انسان
إن انا وزعت أفراح للناس
وانا قلبي في عرض الفرحة جعان
إن استحملت كتير وصبرت مخدتش حقي من الجارح
وانا قادر أجيب حقي
مسامح وانا عندي إيمان
إن اللي صابر هلك حاله
هيلاقي الأفراح جياله
ف أنا مش زعلان
في ناس في الدنيا نصيبها تعيش
ترضي المجاريح
تتمشى مع اللي الناس تأذيه وتهدي عليه الأيام والريح
ويناموا الليل هما يعانوا من الوحده ومن تفاصيل تانية
يضحكوا للناس .. يضحكوا على الناس
من بره لطاف والقلب قبيح
ويقين بالله بكره هتحلو
هندوق مالفرح اللي خسرناه
ونتمشى معاه ويروق الجو
هنبص على اللي سابونا بعيد
مع ناس وحياة ومع قلب جديد
نحمد ربنا على عوضوا الحلو
ونضحك على الأيام السو
بكرة هتحلو..
الباب اللي إتسد فوشي
هرجع وأشتري بيتوا وأرضوا
الشوك اللي زرعتوه فقلبي
هيجيني اليوم وأقطف ورده
أنا حض الله بيني وبين ناس
حسسوا روحي بنقصان مفيهاش
والناقص صعب يكون له علاج
وعلاجوا فحرمانه وطرده
بزيادة الحلو اللي مشش
بزيادة الحزن اللي معشش
بزيادة سنين يتضيع مع الناس
ولا تتعاشر ولا تتحسش
الواحد بس مكنش يهون
على روحه يسيب من غير فرصه
وأدينا أربعة مليار فرصة
وسنين غفران مابتتعدش
أنا عمري ما قصرت فحاجة
أو غزيت أشياء على أيد الغير
عمري ما بصيت على حاجة حد
أو شفته سعيد وكرهت الخير
طول عمري بقول ربنا يبعت
ويبارك فاللي بعتهولي
وبسيط راضي برزقي
ومرتاح ومكمل سير
عشمان في الجي يكون أحسن
والله يعوضنا وننساهم
عن ناس طلعوا فينا الغلطة
والغلطة أن أحنا عرفناهم
والله بجد في ناس مظاليم
وعشان ساكتين بانوا الظلمة
وفي ناس كرهونا بجد صحيح
وقلوبنا صحيح كانت حباهم
وعجبي..
