استضافت الإعلامية رضوى الشربيني في إحدى حلقات برنامجها “هي وبس” الذي يعرض على قناة “سي بي سي سفرة” الشاعر المصري فارس قطرية، والذي ألقى عددا من قصائده بصوته، وضمنها قصيدة “امتى هنفرح فيك”.
إليكم قصيدة “امتى هنفرح فيك” للشاعر فارس قطرية مكتوية:
قصيدة امتى هنفرح فيك؟
الناس بتحب وتتجوز
وأنت يا غلبان
عشمان ترتاح لو يوم واحد من دي الأحزان
وبقالك عمر بتستعبط
ومقضي حياتك شغل ونوم
لا بتسهر ولا بتروح تشحن ولا عمرك جيت على بال أنسان
الناس كلها أتنين أتنين
وأنت المتونس مع حالك
كوباية الشاي المظبوطة برقبة الحب وأحلالك
متعود تسهر بس وحيد
تسمع أفلام أو مزيكا
ويا بيبي بتتقال لصحابك
أم أنت ماحدش قالهالك
خايف لتحب وتتعلق
تاخد على عينك من تاني
بتقول على الحب جميل وعظيم
بس أنت بترتاح وحداني
تنصح في الناس
وتقول حبوا
وأدخلوا علاقات
وأعملوا صدقات
وانت لا بتحب ولا مصاحب
أخرك تتفرج وتعاني
بس أنت شابهنا أحنا الرايقين
أحنا اللي ارتحنا من الدوشة والبني أدمين
بنام وقت ما بنحب ننام
ونقوم في هدوء وبرود وسلام
بنزود غنى ونقل كلام
ونعيش اليوم باليوم راضيين
أصلها أرزاق
في ناس تتحب
وناس مخلوقة تكون معازيم
تحضر أفراح
تاكل جاتوهات
وتصقف كأنها قرد يتيم
الناس كلها تصحى من النوم على صوت اللي تحبه
أحنا نصحى من النوم
على صوت بيقول
حمرا يا أوطة ال 10 بمليم
ونبي حلوين
وقلوبنا تمام
بس نعمل إيه بختنى مايل
الحظ ملوش عندنا حاجه
وماشيلناش أي جمايل
لينا مع الحب سوابق موت كلها ممضية من الأحزان
والصحة ماتستحملش كمان
يغلطوا ونروح أحنا نحايل
قوانين الحب بتاعت الناس مبنفهمهاش
الكلمة الحلوة اللي تونس في الوحدة الصعبة منسمعهاش
الواحد أتعود يمشي
وإيديه ماسكه إيديه التانية
مستني الحب يعدي عليه زي الباقين بس معداش
طب إيه..
إيه .. مش ناوي تشوف حالك
تختار مع حد أسم عيالك
مش لايقه عليك تخلص صالونات
وأمك تختار وتجبهالك
مش هانت بقى وهنفرح بيك
وتجلنا أخيراً مع أنسان
يعرف يصطادك من الأحزان
وتدوق الفرحة اللي في بالك
ولا أنت يا واد شكلك منهم
والحب حرام على أمثالك
هو أحنا لقينا اللي يقدر
ومكملناش وياه يا ولااه
قلبنا متشال بالكيس لونيس اللي يقدره ويحب لقاه
في كلام ودلال ودلع متشال
تحويشة حب وعمر كبير
وهيطلع في الوقت المظبوط
للشخص الصح اللي هنلقاه
ولحد ما نلقاه هنقولك
يتعافى المرء بأكلة تمام
أو شاي مظبوط مش بحبيبه
عمرك ما تشوف كوباية شاي وحبيبها معاها وبتسيبه
من يوم ما أخترعوا الحب زمان
والناس عمالى تموت بعض
القلب بيفضل زي الفل
لحد ما الحب يسيبه
وعجبي…
