حل الشاعر المصري فارس قطرية ضيفًا على برنامج “هي وبس” الذي يعرض على قناة “سي بي سي سفرة” لمقدمته الإعلامية رضوى الشربيني، وألقى عددًا من أحدث قصائده، وضمنها قصيدة “ليلى”.
إليكم قصيدة “ليلى” للشاعر فارس قطرية مكتوية:
قصيده ليلى
اللي ميعرفش عيون ليلى..
يجهل أنا ليه حبيت ليلى..
يجعل إزاي راجل له كيان
يقلب غلبان قدام ليلى..
مايحسش نارك بنت الأيه
غير اللي اتكوى ومسكتي إيديه
لكن بين صبح وبين ليلى
مشيت ليلى..
على العهد ما بين قلبي وقلبك
سبتيني ماسبتيش
مش موضوع
من أمتى الحب بيدي ضمان ويريح حد إن كان موجوع
عبتيني بكل صفات أبليس
قولتي أني مريض وعبيط وخبيث
والماسك إيدي هيبقى تاعيس
والسكة معايا أخرها دموع
عادي يا ليلى
سكينة عنيكي ولا تراعي
عيل غلبان ولا طفل لطيف
وعنيكي اللي استحلت تدبح
تعمل عملتها خفيف في خفيف
أنا لافف قبلك خلق كتير
وعنيا عصير كوكتيل ستات
واللي مشوفتوش عمري في واحدة
انها تدبح وتداوي نزيف
طب لما قتلتيني يا حلوه
ليه مقتعتيش زوري كويس
سميتي عليا
ووديتي جسمي المبتور حد القبلة
كان لسه لساني بيتشاهد
وبشاهد إيدك والدبلة
تمتمتي كلام عن أني جميل
والعيب في نصيبك ونصيبي
وسحبتي إيدكي بسرعة عشان تخلص على طول
وماموتش من نصل فراقك
بس من وقتها
عايش مسطور
خلينى نقول إني الخايب
الماسك في هواكي الدايب
اللي خدعتيه بغشك في اللعب
وروحتي عليه وقولتيلوا أختار
وعشان ميخسركيش الواد
قام ضحى الواد شد الشاي
ولا كان على البال ولا على الخاطر
هيجيلك يوم تكسري خاطر
وتشوفي خسارته عشانك ضعف
وتمشي عشان مبقاش شاطر
العيب..
مش أنك تدي وعود من غير أسباب وبدون نية
العيب..
أنك تمشي بقلبك ومازال جسمك جمبي وحاضر
الله الشاهد
إن أنا بديتك عن أشياء أجمل بكتير
وعملت حاجات لو مع غيرك عمرها ما تصير
شوفتيني مجرد وقت لطيف
وحسبته مصير
وقلعت همومي على عتابك
الله الشاهد
إن أنا مامشيتش في طريق كان أخره غيابك
خلينا نشوف مين الخسران
مين اللي أتساب
مين اللي استنى
ومين خاين
مين الكداب
أنا عارف أن احنا بنطلع وحشين دايماً
أنا عارف ده
رضوى الشربيني مابتسميش على صنف الرجالة القلاب
طب تعرفي ليه
عشان من الصعب أن الراجل يحكي عن الست اللي تسيبه
ورجولته بتنقح على قلبه
ويخاف للناس تيجي تعيبه
فايؤلف هو قصص وأفلام عن أنه السايب والغايب
وأنها هتموت وأرجع باولااه
وعنيه بتكدب ألاعيبه
مش بس الستات بتعيط
في بنات عوروا رجالة كتير
بس كان الفرق في أن احنا
مبنحبش نحكي عن الفواتير
ندفع أتمان اوجاع تقتل ونقوم الصبح ونشرب شاي
الااه عندنا عيبة متتقالش
فيبان في القصة احنا الدبابير
على أيوها حال
الله يحنن
ومسامح في الحق وراضي
أيام وشعور وشهور وحياة وعيال أساميهم على الفاضي
ضيعنا سنين فمجتش في ديه
أنا رديت بس لما غلطي
وزمان عدتلك حزن كتير
فهعدي كمان المرة دي
وعجبي..
