كواليس كثيرة وأسرار كشفتها نجمتا «سفرة» الشيف غادة جميل والشيف نورا السادات، كما تحدثت غادة جميل عن سر نجاح عزوماتها وسبب شهرتها بسرعتها في تجهيز العزومات.
واستضافت غادة جميل، نورا السادات في برنامجها “اتفضلوا عندنا” بمناسبة احتفال قناة “سي بي سي سفرة” بمرور 10 سنوات على تدشينها.
سر غادة جميل لنجاح أي عزومة
كشفت غادة جميل عن سر نجاح أي عزومة وهو أنها دائما تطبخ «بحب»، قائلة: “أقوم بتجهيز الوصفات وتتبيلها قبل يوم من العزومة.. وسر نجاح أي عزومة هو الطبخ «بحب».
وعن روتينها اليومي قبل التصوير، قالت غادة جميل: «بتحرك من البيت ستة ونص صباحا عشان أقدر أوصل القناة 8 صباحا وأبتدي التجهيز لتصوير الحلقة».
وعن بداية ظهورها في قناة سفرة منذ 10 سنوات، أكدت جميل: «في أول ظهور في القناة كنت بتكسف من الكاميرا.. دلوقتي الموقف اختلف تماما.. وأغرب مواقفي في القناة سقوط الديكور عليا أثناء التصوير».
نورا السادات: أولادي ما بيحبوش أكلي.. ومابصورش إلا بالشبشب
وقالت نورا السادات إنها تفضل دائما التجهيز للعزومات الكبيرة، قائلة: «العزومة بالنسبة ليا أطباق كبيرة وتقديم وصفات غربية مختلفة، وبحب أطبخ السلمون والبيف ترياكي والسويت آند ساور في العزومات».
وأضافت نورا: «زوجي لو ماعجبوش الأكل مش بيقدر يسكت وأكلته المفضلة الحلويات.. أولادي بيحبوا أكل حماتي أكتر لأنهم بيفضلوا الأكل الشرقي.. وبيدخلوا المطبخ دايما معايا.. وليلى بتحب تعمل كيكة وجيلي».
وعن كواليس ما قبل التصوير، أكدت نورا السادات: «بحب أسمع مزيكا قبل التصوير وأشرب قهوة ومابصورش إلا بالشبشب.. وبعتبر الاستوديو زي بيتي.. واحنا في القناة عيلة واحدة».
